'Dilip Kumar Ki Nazr Ek Nazm' by Meer Afzal

 دلیپ کمار کی نذر اک نظم 

یوسف خان

میر افضل شولاپور

پیکرِ جذب و عشق یوسف  خاں

وجہہِ  تسکینِ     دیدۂ    خوباں

تجھ پہ افشاں ضیاءِ رحمت  ہے

خوٗب   روشن   تری  بصیرت ہے

کس سے ممکن  تری صراحت ہے

حسن خود حسن کی  دلالت  ہے

دل جو مصروفِ شوقِ مدحت ہے

تجھ سے   اک والہانہ   اُلفت   ہے

لالہ   رخ  جو   تری   شباہت   ہے

جوہرِ   فکر    کی      تمازت    ہے

باعثِ    فخرِ   قوم  و  ملّت   ہے

تجھ سے ہندوستاں کی عظمت ہے

تشنہ   تشنہ   زمینِ   اُلفت   ہے

ابرِ   رحمت   تری    ضرورت ہے

تیری سوچوں میں کائنات کا غم

تیری   دھڑکن   ہے دھڑکنِ  عالم

تیرا    سینہ    ہے     سینۂِ  افلاک

دل  ہے  آئینہ   نفرتوں  سے   پاک

علم  و  عرفان    کا     خزانہ  ہے

تیرا  اک   لمحہ  اک    زمانہ   ہے

آبشاروں کی  طرح   سوچتا   ہے

بوٗئے   گُل  کی  طرح  مہکتا   ہے

بات   انسانیت    کی    کرتا   ہے

بلکہ  انسانیت     پہ    مرتا    ہے

خون   روتا  ہے بے کسوں  کے لئے

مسکراتا   ہے    غمزدوں  کے  لئے

دل کی  بیتابیوں  سے    آگاہ  ہے

توٗ  کہ   خذبات  کا   شہنشاہ  ہے

عظمتیں  تیری  آسماں   چھوٗلیں

سرحدیں خود  ترے قدم چوٗمیں

روح    زندہ    رہے  دعا  بن    کر

ہم    غریبوں  کا  آسرا   بن    کر

ائے  خدا   مغفرت  کی ہے  چاہت

اُس کی تُربت   پہ   سایۂِ  رحمت

میر افضل شولاپور