'Aadhi Sama'at" by Syd Anwar Zaheer Rehbar

 فلیش فکشن

آدھی سماعت

از : سید انور ظہیر رہبر, برلن جرمنی 

" شہر خالی کیوں ہے کہاں گئے اس میں بسنے والے۔" 

نظیر نے بڑھاپے کی کانپتی ہوئی آواز میں اپنے بیٹے سے پوچھا

" ابا آج کل لاک ڈاؤن ہے نا ۔"

" کیا ڈاؤن ہے ؟"

" لاک ڈاؤن ہے!  لاک ڈاؤن! ' 

نظیر کے بوڑھے کان نے صرف آدھی بات سنی۔

پھر پوچھ لیا, 

" بیٹا ذرا سمجھاؤ تو کیا ڈاؤن ہے؟" 

" ابا اب تم سنتے بھی تو ٹھیک سے نہیں ہو, بس ساری بات اُدھوری ہی سننتے ہو" 

بیٹے نے جھلا کر کہا 

" ہاں بیٹے تم ٹھیک کہہ رہے ہو, لیکن جب تم بچے تھے اور  تمھیں بولنا بھی نہیں آتا تھا، تب بھی ہم تمہاری ساری باتیں  سمجھ جاتے تھے۔